Pfayzernıñ vakśinası allergiya birä
Kiçä täwge tapqır Angliyädä qullanıla başlağan preparatnıñ allergik reakśiyäse barlığı açıqlandı
1542594
Angliyädä daru kontrole oyışması Pfayzer häm BioNTexnıñ koronavirus vakśinasın köçle allergik reakśiyäse bulğan keşelärgä yasamasqa kiñäş itte. Oyışmanıñ räise Djun Reyn yasağan belderüdä bolay diyelä: “Uzğan kiç allergik reakśiyä belän bäyle ike oçraqnıñ xisabın tikşerdek. Külämle klinik sınawlarda monıñ kürenmäwen beläbez”.
Reyn täwge vakśinanı aluçılarnıñ tağın da yaqlawçısız buluına iğ’tibarnı cälep itte häm bu mäs’älädäge kiñäşne tiyeşle urınnarğa citkeräçäklären äytte.
Angliyä cämäğat’çelek sälamätlege oyışması mödire Stefen Powis isä allergiyäse bulğan ike keşeneñ dä sawığıp kilüen belderde.
Pfayzer häm BioNTex yasağan Kovid-19 vakśinası dön’yada täwge tapqır kiçä Angliyädä qullanıla başladı.