"İñ qızıqlı planetalarnıñ berse"

Astronomnar öslegendäge cılılıq 3 meñ 200 gradus bulğan planeta açtı. Ul Cirgä 322 yaqtılıq yılı yıraqlığında häm Yupiterdan ber yarım tapqır zurraq.

WASP – 189b iseme birelgän planetanı Bern universitetı belgeçläre Awrupa ğaläm agentlığınıñ XEOPS ğaläm teleskobı mäğ’lümatların qullanıp aça.

Ülçäw yoldızlığında urnaşqan älege planetanıñ ber yarımşarında gel tön, ikençendä - kön. Ul üzeneñ yoldızına, Cir belän Qoyaşqa arasına qarağanda, 20 tapqır yaqın.  

Tikşerü törkeme citäkçese Monika Lendl bolay dip söyli: “WASP-189b şikelle planetalarnı çiktän tış qaynar Yupiterlar dip atıylar. Bu qadär yuğarı temperaturada timer êri, xätta gazğa äwerelä. Bu xäzergä çaqlı açılğan iñ qızıqlı planetalarnıñ berse”.