Venesuêla Rusiyӓneň koronavirus vakśinasın sınap qarıy

Venesuêla dӓwlӓt başlığı Nikolas Maduro Rusiya êşlӓp çığarğan Sputnik V koronavirus vakśinasınıň yaqın könnӓrdӓ üz ilendӓge üzixtıyarıylarda (volontyerlarda) sınalaçağın belderde.

Ul Qıtay hӓm Kubadan kilgӓn başqa vakśinalarnıň da Venesuêlada sınalaçağın citkerde.

Maduro:”Hӓrkem 7 könlek karantinğa ӓzer bulsın”,-dide.

Venesuêla sӓlamӓtlek saqlaw ministrı Karlos Al’varado Rusiya belӓn konfidenśial’ kileşü tözülӓren hӓm testlarda qatnaşaçaq keşelӓrne saylap alu başlanacağın belderde.

Rӓsmi mӓğ’lümatlarğa kürӓ, ildӓ könlek koronavirus yoqtıru oçrağı 900 dӓn kübrӓk.

Lӓkin şaqtıy sӓlamӓtlek saqlaw rӓsmi zatı bu sannarnıň çınbarlıqta tağın da kübrӓk buluın söyli.

Rusiya Sputnik V iseme birelgӓn tӓwge koronavirus vakśinasın 15 nçe avgustta êşlӓp çığaruğa kereşüen citkergӓn ide.