28 trillion tonna boz êrede
Ğalimnär bu prośessnıñ qurqınıç näticäläre xaqında kisätä
Dön’yada 1994nçe yıldan birle 28 trillion tonna boz êregän. Lids häm Êdinburg universitetları belän London kolledjı belgeçläre monıñ belän bäyle tikşerenü ütkärde.
Lids universitetınnan Tom Sleyter beldergänçä, 28 trillion tonna boz Angliyanıñ böten öslegen 100 metr qalınlığındağı tuñdırılğan su qatlamı belän qaplarğa citä.
Ğalimnär êregän boznıñ küläme artuınıñ qoyaş nurların kire qaytaru däräcäsen kimetüen äytä. Moña bäyle bularaq diñgez häm cir täğın dä kübräk cılınaçaq. Bu isä, üz çiratında, global’ cılınu prośessın tizlätä.
Lids universitetınıñ qotıpnı küzätü häm model’läşterü üzäge mödire, professor Êndi Şeperd isä diñgez suı biyeklegeneñ xätta ber santimetrğa artuı näticäsendä yaqınça 1 million keşeneñ yort-cirsez qala aluı turında kisätte.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
