Beyrutta qayğılı sannar arta

Livan başqalası Beyruttağı şartlawda ülüçelärneñ sanı 158gä citte. İsegezgä töşeräbez, böten dön’yanı teträtkän faciğa 4nçe avgustta şähär portında buldı. 12nçe nomerlı saqlağıçta başta yanğın çıqtı, annarı cir teträw däräcäsendäge köçle şartlaw buldı.

Livan sälamätlek saqlaw ministrlığınnan belderülärençä, şartlawda ğomere özelüçelärneñ sanı 158gä citte, yaralılar isä 6 meñnän artıq.

Beyrut gubernatorı Märvan Abbud porttağı şartlawdan kürelgän zıyannıñ 10 -15 milliard dollardan arta aluın belderde.