BMOğa 33 yıldan soñ Somali diplomatı saylandı

BMOnıñ 75nçe ğomum şurası räise urınbasarı wazıyfasına 33 yıl êçendä berençe tapqır Somali diplomatı saylandı. BMOnıñ daimi wäkile, ilçe Abukar Osman Bale 178 ilneñ uñay tawışın aluğa ireşte. Ul Somalinıñ älege waızyfağa bilgelängän 4nçe diplomatı buldı. Moña qadär älege il wäkilläre 1963nçe,1979nçı häm 1986nçı yıllarda BMO ğomum şurası räise urınbasarı bularaq saylandı.

Abukar Osman Bale üzeneñ Twitter bitendä belderü yasadı häm 75nçe ğomum şura räise Volkan Bozkır belän êşläwne tüzemsezlek belän kötüen citkerde. “Bu uñaydan qardäş il Törkiyä häm törek xalqın qotlarğa telim,”-dide ul.  

İlçe Balenıñ BMO ğomum şura räise urınbasarı bularaq saylanuı Somalinıñ totrıqlılığı häm üseşe öçen ähämiyätle diplomatik adım dip uylanıla.