”Üz missiyӓm dӓwamında tınıçlıqqa, qurqınıçsızlıqqa hӓm totrıqlı üseşkӓ zur ӓhӓmiyӓt birӓçӓkmen”

 Berlӓşkӓn Millӓtlӓr Oyışmasınıň 75 nçe ğomum şura başlığı bulıp saylanğan Volkan Bozkır İstanbul Çırağan sarayında uzğan tantana belӓn wazıyfasına kereşte.

BMO ğomum şurasın citӓklӓwçe berençe Törkiyӓ watandaşı bulu belӓn ğorurlanuın beldergӓn Bozkır: “Ğomum şura başlığı bularaq ,min üz êşem waqıtında BMOnıň barlıq ӓğ’zaların wӓkillek itӓçӓkmen. Hӓr törkem hӓm ӓğ’zalarınıň ömetlӓre hӓm qaraşları minem öçen ber ük dӓrӓcӓdӓ möhim hӓm qıymmӓtle bulaçaq. Şuňa kürӓ, 75 nçe ğomum şura ( general’ assambleya) rӓise bularaq , BMO hӓm anıň ӓğ’zalarınıň telӓklӓre hӓm ömetlӓrenӓ turı kilgӓnçӓ êşlӓwemӓ ışana alasız”,-dide.

Volkan Bozkır süzlӓren tübӓndӓgeçӓ dӓwam itterde: “Dönyanıň törle poçmaqlarında humanitar krizislar, küp sanda keşeneň ğomeren özgӓn bӓreleşlӓr, Kovid -19 nı da kertep şaqtıy citdi hӓm aktual’ problemalar bar. Global problemalar global’ çişeleşlӓr talӓp itӓ.Global’ çişeleşlӓrne tabunıň iň êffektiv yulı – küp’yaqlılıq prinśibın tulınça ütӓw.  BMO ӓğ’zaların citӓklӓw – zur cawaplılıq. Min monı bik yaxşı aňlıym hӓm bu möhim cawaplılıqnı cirenӓ citkerü öçen bar köçemne quyıp êşlӓyӓçӓkmen. Üz missiyӓm dӓwamında tınıçlıqqa, qurqınıçsızlıqqa hӓm totrıqlı üseşkӓ zur ӓhӓmiyӓt birӓçӓkmen”.