Bel'giyädä häykällärgä tınğılıq yuq

Bel’giyädä patşa Leopol’d 2nçe çorında koloniyäläşterü êşçänleklärendä qatnaşqan general Stormsnıñ başqala Brüssel’däge byustı qızılğa buyaldı.

AQŞta rasaçılıqqa qarşı rizasızlıq waqıyğaları başlanğaç Bel’giyäneñ kolonial’ ütkäne qabat kön tärtibenä çıqtı. İldä patşa Leopol’d 2nçeneñ sınnarına qarşı çaralar başlandı. Anıñ berniçä häykälen alıp attılar häm buyadılar.  

Ämma monıñ belän genä betmäde. Rizasızlar İksel’ töbägendä patşanıñ uñ qulı bulğan general Stormsnıñ sınına da küz yommadı.

Bel’giyä matbuğatında urın alğan mäğ’lümatlarğa qarağanda, cirle xakimiyät byustnı alıp quyaçağın beldergän.

1865-1909nçı yıllarda patşa bulğan Leopol’dnıñ ilne Kongo çığanaqların qullanıp tözüe häm millionnarça keşeneñ ülemenä säbäpçe buluı bilgele.