Sinay yarımutrawında xärbi operaśiyä
Misır anda 15 ğaskäriyen yuğalttı
Misır armiyäseneñ Sinay yarımutrawında oyıştırğan operaśiyäsendä 15 ğaskäri hälaq buldı.
Misır armiyäse süzçese Tamir är-Rifai bu xaqta yazmaça belderü yasadı. Ul armiyägä bäyle berleklärneñ soñğı berniçä kön êçendä Sinaynıñ üzäk häm tön’yaq rayonnarında oyıştırğan 22 basqın häm 16 operaśiyäsendä 126 suğışçınıñ ülüen, Ğazzä çigendä 8 tunnel’neñ qullanıp bulmas xälgä kiterelüen citkerde. Operaśiyälär waqıtında suğışçılar belän çıqqan bäreleşlärdä 15 ğaskärineñ ülüe da äytelde.
Rifai beldergänçä, suğışçılar qullanğan 228 sıyınu urını hawadan yuq itelgän, 630 mina täêsirsez xälgä kiterelgän, êzläwdä bulğan 266 keşe qulğa töşerelgän.
Bäyläneşle xäbärlär
Yärdäm sorawçığa ut açqannar
İzrail ğaskäriläre Yordannıñ könbatış üzänlegendä aşığıç yärdäm sorağan ber fälästinlene ütergän