Çadnı çistarttılar

Çad xökümäte üz cirläreneñ terrorçı oyışma Boko Xaramnıñ barlıq äğ’zalarınnan çistartıluın belderde.

Xökümät süzçese Oumar Yaya Hisseyn uzğan atna başlatılğan “Boxoma gazabı” operaśiyäse turında çit il matbuğat çaralarına belderülär yasadı. “Çad cirlärendä ber genä Boko Xaram äğ’zası da qalmadı,”-dide ul. Hisseyn operaśiyä belän bäyle sannarnı tizdän urtaqlaşaçaqların söyläde.

İlbaşı İdris Debineñ ofisınnan yasalğan belderüdä dä armiyäneñ Çad küleneñ ilgä qarawçı utrawlarınıñ barsına basqın oyıştıruı häm alarnıñ Boko Xaram terrorçılarınnan çistartıluı belderelde. Armiyä terrorçılarnı Niger häm Nigeriyä çikläre êçendä dä êzärlekli.

Boko Xaramnıñ 23nçe martta  Çad küle töbägendäge Boxoma şähärendä Çad armiyäsenä qarawçı berleklärgä höcümendä 98 ğaskärineñ ğomere özelde.