Maşina zurlığındağı taşbaqa
Arxeologlar borınğı xaywannıñ taşqa äwerelgän qaldıqların taptı
Kön’yaq Amerikada maşina zurlığında taşbaqa fosilläre tabıldı. Ul “Stupendemys” dip ataluçı törgä qarıy. Älege taşbaqalarnıñ 7-13 million yıl êlek yäşäwe farazlana.
Qaldıqlar Kolumbiyäneñ Tatakoa çüle belän Venesuêlanıñ Urumako töbägendä tabıldı. Stupendemysnıñ berençe fosilläre 1970nçe yıllarda tabıluğa qaramastan, 4 metr ozınlığında xaywan belän bäyle bik küp ser cawapsız qaldı.
Tikşerenüçelär 3 metr ozınlığındağı qabırçıqnıñ häm asqı iyäk söyägeneñ xaywannıñ närsä aşawı turında añlatuın äytä. Alar fikerençä, zur taşbaqalar kül häm yılğalarnıñ töbendä krokodillar belän yäşi häm keçkenä xaywannar, üsemleklär, ciläk-cimeş, orlıqlar belän tuqlana. Taşbaqanıñ zurlığı anıñ başqa yırtqıçlardan saqlanuı öçen bik ähämiyätle.
Monnan alda tabılğan fosillärneñ berseneñ êçendä krokodil teşe bar ide.