Avstraliyädä 10 meñ döyäne ataçaqlar

Avstraliyädä su çığanaqların beterü säbäple yaqınça 10 meñ qırğıy döyä ütereläçäk. Alarnı boralaqlardan mıltıq belän atıp yuq itärgä isäplilär.

İl matbuğatında urın alğan xäbärlärgä qarağanda, kontrol’ astına alına almağan yanğın häm qorılıqlardan zarar kürgän Kön’yaq Avstraliyäneñ Anangu töbägendä cirle idaräçelär moña röxsät birde. Alar döyälärneñ su çığanaqlarına ağılıp toraq punktlarğa zarar birüenä qanäğat’sezlek belderä.

Cirle wäkillärdän Marita Beyker “The Australian” gazetına birgän interv’yusında bolay di: “Êsselek häm räxätsez itüçe şartlarda qaldıq. Xälebez naçar, çönki döyälär kilä häm çitännärne uzıp öylärneñ tiräsendä yöri, xätta kondiśionerlarnıñ suların êçärgä mataşalar”.

 Töbäktä artqan qırğıy döyä sanın kontrol’ astına alu öçen yuq itü operaśiyäse bügen başlanaçaq häm 5 kön däwam itäçäk. Märgännär hawadan ıt açıp 10 meñ tiräse xaywannı üteräçäk.

Kön’yaq Avstraliyä êkologiyä häm su departamentı alarnıñ, tankerlar häm susaqlağıçlarnı da kertep, töbäktäge barlıq su çığanaqlarına näq’ menä şulqadär döyäneñ ağıluın farazlıy. Alar infrastrukturada zur cimerekleklärgä kiterä, ğailälär häm toraq punkt öçen dä yanaw tudıra.

Döyälärneñ qayberläre susızlıqtan ülä. Xaywannar su çığanaqlarına ireşü öçen ber-bersen taptıy.

Avstraliyädä qırğıy döyä sanınıñ 1 million 200 meñnän artıq buluın belderälär.