Bel'giyä 6 terrorçını watandaşlığınnan çığardı

Bel’giyädä mäxkämä ber ük waqıtta Marokko watandaşı bulğan 6 terrorçıdan üz watandaşlığın aldı. Alar 6 yıl êlek Süriyägä suğışırğa kitkän. Älege keşelär üzläre utırışlarda qatnaşmadı. Alarnıñ qayda ikänlekläre bilgele tügel. 8 kön êçendä qarşı çığuçı bulmasa, qarar üz köçenä kerä.

Mäxkämä bu şäxeslärneñ Bel’giyä tarafınnan terrorçı oyışma iğ’lan itelgän “Bel’giyä öçen şäriğat’”tä äğ’za buluların belderä. Älege oyışma bernindi bombalı yäisä qorallı höcüm oyıştırmasa da qara isemlekkä kerä. Ul basım näticäsendä 2 yıl 7 ayda üz-üzen tarqattı.