Awılğa höcüm

Çadta terrorçı oyışma Boko Xaram ber awılğa höcüm itte. Näticädä, anda yäşäwçe 14 keşeneñ ğomere özelde, 5se yaralandı.

Cirle häm Franśiyä matbuğatındağı xäbärlärgä qarağanda, höcümgä Çad küle könbatışındağı Kaiga şähärenä yaqın urnaşqan balıqçılar awılı duçar bula. Qorallı törkemneñ anda bärep kerüennän soñ 13 keşe yuqqa çıqqan.

Töbäk citäkçelege höcümçelärneñ awılğa aldağı könne ük keçkenä törkemnär xälendä kilep yäşerenüen söyli. Alarnıñ Boko Xaram äğ’zaları buluın belderälär.

Älege terrorçı oyışma Nigeriyädä 2000nçe yıllarnıñ başınnan üzen kürsätä başladı. Alarnıñ massaküläm üterü çaralarında 20 meñnän artıq keşe hälaq buldı. 2015nçe yıldan birle terrıorçı oyışma ilneñ çik buyı kürşeläre Kamerun, Çad häm Nigerda höcümnär oyıştıra.