Rusiyä cawap qaytardı

Rusiyӓ Tışqı êşlӓr ministrlığı Germaniyaneñ Mӓskӓwdӓge ilçelegendӓ êşlӓwçe 2 diplomatnı persona non grata iğlan itep, ber atna êçendӓ ildӓn kitülӓren soradı.

Ministrlıktan yasalğan yazma açıqlawda Germaniyaneñ ike rus diplomatnı ildӓn cibӓrüe xӓterlӓtelde.

Germaniya uzğan atnada Berlinda Rusiyӓ hӓm gruziya watandaşı bulğan Tornike K.neñ üterelüe belӓn bӓyle bularaq Rusiyӓneñ Berlindağı ilçelegendӓ küzӓtüçe buluı ӓytelgӓn 2 diplomatnı ildӓn cibӓrgӓn ide.

Berlinda yӓşӓwçe Tornike K. 23 avgust könne Tiergarten parkında atıp üterelgӓn ide.

Cinayӓttӓ ğayeplӓnüçe Rusiyӓ watandaşı Vadim K. Qulğa alındı, waqiğada qullanılğan qoral da qulğa töşerelgӓn ide.