Pensiya alu öçen 64 yäş’kä qadär êşläw kiräk
Franśiyada layıqlı yalğa çığu reforması bäxäsläşelä
Franśiya xökümät räise Êduard Filipp ildä bäxäslärgä säbäp bulğan layıqlı yalğa çığu reforması qısasında pensiya alu öçen 64 yäş’kä qadär êşläw kiräklegen beldergän.
Ul bu reformanıñ 22 nçe ğıynwarda ministrlar şurasına tapşırılaçağın ,fevral’ azağında parlamentta qaralaçağın citkergän.
Êduard Filipp layıqlı yalğa çığuda barı tik ber sistema bulaçağın , törle tarmaqlarğa bäyle ayırmalarnıñ häm 42 törle pensiyägä çığu töreneñ betereläçäğen assızıqlağan.
Franśiya xökümät räise:”Pensiyägä çığu yäşe 62 bulıp qalaçaq , fäqät’ êşçelär tulı pensiya alu öçen 64 yäş’kä qadär êşläyäçäk. Yaña sistema 1975 nçe yıldan êlek dönyağa kilüçelärgä täêsir itmäyäçäk” digän.
Prem’yer-ministr Filipp layıqlı yalğa çığu reformasınıñ 2022 nçe yılda ğamälgä keräçägen citkergän.
