Bel'giyä terrorçılarnıñ balaların üzenä alaçaq

Bel’giyäneñ başqalası Brüssel’dä ber mäxkämä terrorçı oyışma DEAŞlı 4 keşeneñ 10 balasınıñ ilgä qaytarıluına qarar çığardı. Alar xäzerge waqıtta Süriyädä ber lager’da. Mäxkämä qararı buyınça, balalarnıñ ata-anaları ilgä kire qayta almayaçaq.

Bel’giyä xökümäte 6 atna êçendä balalarğa konsullıq yärdäme kürsätergä häm qaytu öçen kiräkle êşçänlekne tämamlarğa tiyeş. Ägär birelgän waqıt êçendä älege balalar ilgä qaytmasa, xökümät här bala öçen könenä 5 meñ yevro ştraf tüliyäçäk.