Xariri yärdäm soradı

Livan prem’yer-ministrı Saad el-Xariri qayber il liderlarına xat yazıp, Livanğa azıq-tölek hӓm êşkӓrtelmӓgӓn produkśiya importı öçen yӓrdӓm talӓp itte.

Livan rӓsmi agentlığı NNA beldergӓnçӓ Xariri Törkiyä ilbaşı Räcäp Tayyip Ärdoğan, Soğud Ğarӓbstanı patşası Selman bin Abdülaziz, Franśiya dӓwlӓt başlığı Êmmanuêl’ Makron, Rusiyӓ Federaśiyase prezidentı Vladimir Putin, Misır ilbaşı Abdulfettah es-Sisi, Qıtay prem’yer-ministrı Li Kekiang, İtaliya prem’yerı Djuzeppe Konte hӓm AQŞ dӓwlӓt sӓrqӓtibe Mayk Pompeoğa xat yazıp, ile öçen yӓrdӓm soradı.

Xariri xatlarında bu illӓrdӓn Livanğa azıq-tölek hӓm êşkӓrtelmӓgӓn produkśiya importı mӓs’ӓlӓsendӓ akkreditaśiya birüne talӓp itte.

Prem’yer-ministr Xaririneñ bu adımı likvidaśiya qıyınlığı küzӓtelgӓn Livanda import öçen yaraqlı şartlarnı tӓêmin itü tırışlığı bularaq kürelӓ.

Livan iqtisadınıñ 1975-1990 yıllarda küzӓtelgӓn watandaşlar suğışınnan bügengӓ qadӓr iñ zur krizis kiçerüe ӓytelӓ.

Livanda xökümӓtneñ WhatsApp programmasına salım kertü kereşüenӓ reakśiya bularaq 17 oktӓbr’ könne başlanğan protest çaraları qısqa waqıtta bar ilgӓ cӓyelgӓn ide.

Çaralarğa 13 kön qarşı torğan lӓkin 29 oktӓbr’ könne wazifadan kitӓrgӓ mӓcbür qalğan prem’yer-ministr Saad el-Xariri yaña xökümӓt qorılğanğa qadӓr wazifasın dӓwam itterӓçӓk.