Franśiyä tarixındağı iñ zur êş taşlaw

Franśiyädä irtägä xalıqnıñ, ayıruça, parijlılarnıñ köndälek tormışın awırlaştıraçaq waqıyğa kötelä. İl üz tarixındağı iñ zur êş taşlawğa äzerlänä.

Ber yıl êlek başlanğan “sarı jiletlılar”nıñ rizasızlıq çaralarınnan soñ bik küp tarmaqnıñ xezmätkärläre Franśiyä ilbaşı Êmmanuêl’ Makronnıñ pensiyä reformasına reakśiyä kürsätü maqsatınnan bilgesez waqıtqa êş taşlıy. Ämma xökümät, moña qaramastan, reformanı tormışqa aşıru yulında nıq tora.

Êş taşlarğa cıyınuçılarnıñ isemlege bik ozın. Anda timer yullar şirkäte, Êyr Frans aviakompaniyäse, “Reno” avtomobil’lären çığaruçı korporaśiyä xezmätkärläre, poliśiyä, tabiblar, xastaxanädä êşläwçelär, däwlät xezmätkärläre, advokatlar, awıl xucalığı tarmağındağılar, taksistlar, uqıtuçılar, êlektr ênergiyäse şirkätendä êşläwçelär, aşığıç yärdäm xezmäte wäkilläre häm başqalar bar. Alarnıñ irtägä başlanğan êş taşlawları niqadär däwam itäçäge bilgele tügel.