Fukusima däğ'wası
Fukusima atom-töş stanśiyäsendäge qazada ğayepli dip sanaluçılar aqlandı
Yaponiyädä mäxkämä Fukusima-Dayçi atom-töş stanśiyäsen êşlätüçe Tokio êlektr ênergiyäse şirkäteneñ 3 êlekkege idaräçesenä qarşı açılğan däğ’wada aqlaw qararı çığardı. Alarnı wazıyfaların cirenä citkermäwdä ğayeplägän idelär.
Yapon xäbär agentlığı Kyododa urın alğan yazmada äytelgänçä, Tokio êlektr ênergiyäse şirkäteneñ êlekkege idarä räise Śunexisa Kaśumata belän anıñ urınbasarları İçiro Takekuro häm Sakae Muto śunami yanawına qarşı çara almıyça wazıyfalarına salqın qarağan dip baralar.
Alarğa prokuratura 5 yıl törmä cäzası birelüne soradı.
Bilgele bulğança, 2011nçe yılnıñ 11nçe martında Yaponiyädä 9 däräcä zurlığındağı cir teträwdän soñ śunami barlıqqa kilde. Ul Fukusima atom-töş stanśiyäsendä radioaktiv sarquğa säbäpçe buldı. Qazada 44 keşeneñ ğomere özelde, 13e vodorod şartlawında awır yaralandı.
Waqıyğada stanśiyäneñ 4 reaktorınnan 3se zarar kürde, yaqın tirädä yäşägän distälägän meñ keşe radiaśiyä cäyelüe arqasında öylären taşlap kitärgä mäcbür buldı.
Sarqunı tulısınça kontrol’gä alunıñ distälägän yıllar däwam itäçägen farazlıylar.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
