Franśuz yazuçısı - möselmannarğa qarşı

Franśuz yazuçısı Êrik Zemmur ber televideniye tapşıruında möselmannarğa qarşı näfrät uyatuçı süzlär äytkän öçen 3 meñ yevro ştrafqa tartıldı. Cirle mätbuğat çaralarındağı xäbärlärgä qarağanda, älege êşne yuğarı mäxkämädä qarıylar.

Zemmur sonğı waqıtta başqa din häm millät keşelärenä qarata äytkän belderüläre belän kön üzägendä ide. Mäxkämä isä anı 3 yıl êlek bulğan televideniyedäge çığışı öçen xökem itte. Zemmur anda möselmannarğa Franśiyä belän islam arasında saylarğa quşqan. Ul, şulay uq, bistälärdäge yawlıqlı möselman xatın-qızlarnıñ ildä islam xakimiyäte tözergä teläwen dä söyli. Mäxkämä älege süzlärneñ diskriminaśyä buluı turında qarar çığara häm ştraf bilgeli.    

Êrik Zemmur monnan êlek tä oxşaş ğayepläwlär belän mäxkämä qarşına çıqqan häm êşlägän telekanalınnan quılğan.