Tağın ber oçqıç bombası tabıldı

Bosniya-Gerśegovina başqalası Sarayevoda İkençe bötendönya suğışınnan soñ qaluı uylanılğan 500 kilogramlıq tağın ber oçqıç bombası tabıldı.

İldӓge Teleradiokompaniya binası artındağı tözeleş urınında pӓnceşӓmbe könne oçraqlı rӓweştӓ tabılğan oçqıç bombasın tӓêsirsez xӓlgӓ kitergӓnnӓn soñ dӓwam itüçe tözeleş êşlӓrendӓ ikençe bomba tabıldı.

Bosniya-Gerśegovina Federaśiyase Grajdannarnı saqlaw idarӓse başlığı Faxrudin Solak ӓlege bombanıñ pӓnceşӓmbe könne tabılğan bombağa oxşawın hӓm tӓêsirsez xӓlgӓ kiterelüen açıqladı.

İkençe bötendönya suğışında bu töbӓktӓ almannarğa bӓyle logistik deponıñ buluı belenӓ.

Angliyada yasalğan bu oçqıç bombalarınıñ 1944 yılnıñ noyabrendӓ Sarayevoğa ırğıtılğan bombalar buluı dӓğwa itelӓ.