Narkotik kontrabandistları üzlären sattı

Bel’giyäneñ Anvers portında narkotik matdä tulı konteynerda êsselekkä çıdıy almağan 2 keşe qotqarılu öçen poliśiyädän yärdäm soradı.  

İnternet säxifäläreneñ bersendä urın alğan xäbärgä qarağanda, 24 häm 25 yäş’lärdäge 2 ir-at konteyner êçendä üläçäklären uylıy. Poliśiyäneñ alar yanına barıp citüe häm êzläp tabuı 2 säğat’kä suzıla. Anvers - Awrupanıñ iñ zur ikençe portı häm anıñ aşa bik küp tovar ütä.

Poliśiyä älege keşelärne êçke kiyemnärdän häm bik betäşkän xäldä tabıp ala. Port xezmätkärläre alarğa xäl kertü öçen öslärenä su sibä.

Konteynerdan qotqarıluçılarnı şunda uq qulğa alalar. Anda niqadär narkotik buluı turında belderü yasalmıy, ämma cirle media yözlärçä kilogrammnar turında yaza.  

Xäbärlärgä qarağanda, 2014nçe yıldan birle portta qulğa töşerelgän narkotik matdä küläme 6 tapqır artqan. Barı tik 2018nçe yılda ğına da anı 50 tonnadan artıq konfiskaśiyälilär.