Mäxkämädä üzen yandırdı

Bel’giyäneñ L’yoj şähärendä mäxkämägä çaqırılğan qaçaq utırış waqıtında üzeneñ östenä sıyık matdä tügep ut törtte.

“Bressels Tayms” säxifäsendä urın alğan xäbärgä qarağanda, 49 yäş’lek keşene saq xezmätkärläre uttan yolıp ala. Anı xastaxanägä iltälär, ämma xäleneñ bik awır buluı äytelä.

Wäqalätle zatlar qaçaqnıñ bu ğamäleneñ säbäben açıqlıy almadı.

Bel’giyä räsmi mäğ’lümatlarına qarağanda, uzğan yıl migraśiyä oyışması qararı nigezendä 6 meñ 96 keşe ildän çığarılğan. Alardan 767se mäcbüri räweştä.