İdlibtä aq fosforlı höcüm

Süriyädä Bäşşar Äsäd rejimı köçläre “İdlib kiyerenkelekne kimetü töbäge”nä tıyılğan qoral “aq fosfor” bombası belän höcüm itte.

İdlib grajdannar saqlanu oyışması mödire Mostafa Hac Yusuf beldergänçä, waqıyğa Tämaniyä cirlegendä bulğan. Höcümne oyıştıruçılar - Xama rayonı Äbu Dali awılında urnaşqan rejim köçläre häm İrannıñ terrorçı törkemnäre.

“Bombalaw ike tapqır buldı. Härbersendä aq fosforlı 40şar bomba atıldı. Älegä üle yäisä yaralı turında mäğ’lümat alıp bulmadı,”-di Yusuf. Tämaniyä cirlege rejim köçläreneñ yıl başınnan birle höcümnären arttıruı säbäple küpçelek buşaltılğan. Şuna kürä ülüçelärneñ bulmawın farazlıylar.

Aq fosfornıñ qoral bularaq qullanıluı xalıqara suğış xoquqı buyınça tıyılğan. Ul sulış yulları buylap organizmğa êlägä häm ağulıy. Baş miye häm üpkälärgä cimergeç täêsir yasap ülemgä kiterä.

Rejim aq fosfor bombasın soñğı tapqır 2018nçe yılnın martında Könçığış Gutada qullandı.