Boz tawı turında kisätü

AQŞnıñ aviaśiyä häm ğaläm dairäse NASA Antarktikadan bik zur boz tawınıñ qubaçağı xaqında kisätä. Ğalimnär anıñ N’yu-York şähäre qadär ike tapqır zurlıqta buluın äytä. Kisäkneñ Brant bozlığınnan qubaçağın belderälär.

Belgeçlär cirlekneñ 1986nçı yılnıñ 30nçı ğıynvarında häm 2019nçı yılnıñ 23nçe ğıynvarında yasalma iyärçennän töşerelgän räsemnären çağıştırğan. Anda boz utrawındağı çatnağan êzlärneñ bik tiränäyüe kürengän.

Ğalim Djo MakGregor bozlıqlarnı öyränü belän mäşğul’. Anıñ äytüençä, boz qatlawınıñ çıdamlılığı yarıqlarnıñ qayda berläşäçägenä bäyle. Ul dön’yaküläm cılınunıñ Antarktikada bozlarnın yuqqa çığuın tizländerüen iskä töşerä.

Bıyılnıñ başlarında yasalğan ber tikşerenü Antarktika qıytğasında bozlıqlarnın êrü däräcäseneñ 16 yıl êçendä yıl sayın 280%qa artuın açıqladı.