Sandviç urlağan deputat

Kibettän sandviç urlağan Sloveniya deputatı êşen taşladı.  Dariy Krayçiç başqala Lyublyanadağı ber marketta üzençä sośial’ täcribä ütkärä. Ul satuçılarnıñ diqqat’sezlegenä açu itep alğan sandviçı öçen tülämiçä çığıp kitä.

Krayçiç xakimiyättäge “Mar’yan Sareś isemlege” partiyäseneñ äğ’zası.  Üze belän bulğan waqıyğanı ul başqa parlament utırışında, soñınnan matbuğat cıyılışında söyläde. Deputat añlatqança, ul sandviç öçen aqça tülärgä kötep torğanda satuçılar üzara söyläşü belän mawıqqan häm xezmät kürsätergä aşıqmağan.  Krayçiç kibet sağının niqadär diqqat’le buluın sınap qaraw öçen tülämiçä çığıp kitkän. Qaraqlıqnı sizmägännär. Ämma deputat aqçasın tüläw öçen soñınnan kire kilüen äytä.

Başqa deputatlar bu waqıyğanı köleşep tıñlasa da waqıyğanıñ axırı naçar buldı.  Cämäğat’çelek rizasızlıq kürsätte. Dariy Krayçiç mondıy sośial’ täcribä ütkärüe öçen ükenüen belderep ğafu ütende.

Partiyäseneñ parlament törkeme räise Bran Goluboviç Kraçiçnıñ üz-üzen totışınıñ qabul itelmäs buldığın belderde. Ul deputatnıñ firqadäge “yuğarı äxlaq standartları” nisbätennän cawaplılıq alıp wazıyfasınnan kitüen äytte.

Krayçiç parlamentqa sentyabr’ ayında saylanğan ide.