Xökümät binasına höcüm
Waqıyğa Äfganstanda bulğan
Äfganstan başqalası Qabulda xökümät binasına höcüm yasalğan.
Waqıyğada 43 keşeneñ ğomere özelgän, 23 keşe yaralanğan.
Êçke êşlär ministrlığı süzçese Najib Danish intixar höcümçeseneñ xökümät binası yanında avtomobilen şartlatuın, şartlawdan soñ qorallı keşelärneñ binağa höcüm itüen beldergän.
Danish poliśiyanıñ 357 xezmätkärne binadan çığaruın,qayber xezmätkärlärneñ qaçarğa ölgerüen, qorallı 3 höcümçeneñ üterelüen citkergän.
Waqıyğa şahitları xökümät binasınıñ ber öleşennän yalqınnar kütärelüen ,höcümçelär belän poliśiya arasındağı bäreleştä kim digändä 5 şartlaw tawışı işetelüen beldergän.
Bäreleştä ğomere özelgän keşelärdän berseneñ poliśiya xezmätkäre ,qalğannarınıñ ğadi xalıq buluı äytelä.
Höcümneñ cawaplılığın älegä üz östenä aluçı bulmağan.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar