Afrikalı yäş’ milliardernı êzlilär
Urlanğan êşmäkär Möxämmät Däwji turındağı mäğ’lümat öçen zur külämdä aqça bilgelände
Tanzaniyädä uzğan atnada urlanğan milliarder êşmäkär Möxämmät Däwji xaqındağı mäğ’lümat öçen zur külämdä aqça bilgelände. Ğailäse anın turında berär närsä belüçe bulsa 1 milliard Tanzaniyä şillingı (2,5 million lira) birergä ışandıra.
Cirle mäğ’lümat çaralarında urın alğan xäbärlärgä qarağanda, ğailä Däwjinı tabarğa tırışuçılarğa bik räxmätle, şuna kürä alarnıñ êşenä bäyä birü yözennän büläkläw qararına barğan. Alar üzlären bu xäsrät belän yapa-yalğız qaldırmağan watandaşlarına räxmät belderä.
Möxämmät Däwji Afrikanıñ iñ yäş’ milliarderlarınnan. Anıñ şäxsi mölkäte 1 milliard yarım dollar. Uzğan atna ul Dar-äs-Sälam şähärendäge ber otel’neñ sportzalına kiteşli kemlege bilgesez keşelär tarafınnan urlandı.
Poliśiyä 30 keşedän soraw alınuın belderde. Aralarında qunaqxanä xezmätkärläre dä bar.
Dewjinıñ urlanu säbäbe äegä bilgele tügel. Ämma yolım alu maqsatınnan buluın farazlıylar.
