Miçigan külendä zur dulqınnar

Amerika Quşma Ştatlarındağı Miçigan külendä barlıqqa kilgän zur dulqınnar Çikagoda ber keşeneñ ülemenä kiterde.

AQŞ milli meteorologiyä xezmäte bu xaqta aldan kisätkän bulğan. Alar tizlege säğatenä 60 çaqrımğa citüçe cilneñ Miçigan küleneñ qayber urınnarında biyeklege 3 metrdan uzuçı dulqınnar barlıqqa kiteräçägen belderä.   

Dulqınnar şimbä könne irtänge säğat’lärdä kürenä häm anıñ yal könnäre axırına qadär däwam itüe kötelä. Kisätügä qaramastan kül yanına kilgän 1 keşeneñ ğomere özelä. Waqıyğa şahitläreneñ süzlärenä qarağanda, 26 yäş’lek yeget yar buyınça yörgän waqıtta zur dulqın anı êläkterep ala häm külgä tartıp töşerä. Qaza urınına  Çikago yanğın sünderüçeläre 20 minut êçendä köymä häm boralaq belän kilep citä. Batqan yegetne 2 säğat’tän soñ yarda tabıp alalar. Xastaxanädä anıñ ülüen raslıylar.  

Şähärneñ yar buyındağı yögereş yulı qurqınıçsızlıq maqsatınnan waqıtlıça yabıldı. Külneñ kütärelüe häm dulqınnar näticäsendä yulnıñ qayber öleşläre su astında qalğan.