Myanma armiyase protestları

Myanma armiyase 1 yıl êlek arakanlı möselmannarğa qarata başqarğan küplӓp üterülӓre Amerika Quşma Ştatları hӓm Şveśiyadӓ protest itelde.

Myanma armiyase genośidına xalıqara cӓmӓğat’çelekneñ bitaraf qaluı ğayeplӓnde.

Vaşingtonda Kongress binası aldında cıyılğan arakanlı möselmannar Myanma armiyase küplӓp üterülӓren hӓm AQŞ citӓkçelege belӓn ber rӓttӓn xalıqara cӓmӓğat’çelekneñ bitaraf qaluın protest itte.

Küplӓp üterüne onıtmaw zarurlığın assızıqlağan arakanlılar cӓmӓğat’çelekne Arakan mӓs’ӓlӓsendӓ tağın da sizger bulırğa çaqırdı.

Şveśiya başqalası Stokgol’mda da Myanma armiyaseneñ wӓxşilegenӓ rizasızlıq belderelde.

Protestçılar “Myanmadağı genośidnı tuqtatığız”, “Arakanlı möselmannarnı ütermӓgez” dip yazılğan plakatlar kütӓrde, zolımnan cawaplı bulğan Myanma liderı Aung San Suu Kyiğa 1991 yılda birelgӓn Nobel’ Tınıçlıq bülӓgeneñ kire alınuın soradı.

İveśiyadӓge Arakanlılar cӓmğiyӓte başlığı Abul Kalam yasağan açıqlawında 2017 yılnıñ 25 avgust könne Myanma armiyase belӓn buddist millӓtçelӓre başlatqan küplӓp üterüdӓ meñnӓrçӓ arakanlı möselmannıñ üterelüen belderep: “700 meñnӓn artıq möselman torğan cirlӓrennӓn kitep, kürşe Bangladeşka sıyınırğa mӓcbür qaldı. Meñnӓrça keşe dӓ küçep kitkandӓ üterelde,” – dide.

Kanadada urnaşqan Ontario Xalıqara qalqınu agentlığına kürӓ soñğı ber yılda aralarında xatın-qız hӓm balalar da bulğan 24 meñnӓn artıq arakanlı möselman Myanma dӓwlӓte köçlӓre tarafınnan üterelde, 40 meñnӓn artığı yaralandı. 

130 meñnӓn artıq arakanlını isӓ törle cӓfalawlarğa duçar qaldı.

115 meñnӓn artıq öygӓ ut törtelde.