24 meñnӓn artıq arakanlı möselman üterelgän
Ontario Xalıqara qalqınu agentlığı tikşerenü xisabın açıqladı
Myanmada 24 meñnӓn artıq arakanlı möselmannıñ üterelüe öyrӓnelde.
Awstraliya, Bangladeş, Kanada, Norvegiya hӓm Filippinnardan tikşerenüçelӓr hӓm oyışmalar bulğan Kanadada urnaşqan Ontario Xalıqara qalqınu agentlığı tarafınnan açıqlanğan tikşerenü xisabına kürӓ uzğan yılnıñ avgust ayınnan bügengӓ qadӓr Myanma köçlӓre tarafınnan başqarılğan zolımda 24 meñnӓn artıq arakanlı möselman yaqtı dönyadan kitte.
Tikşerenüdӓ 40 meñnӓn artıq arakanlı möselmannıñ qoraldan yaralanuı, 114 meñeneñ qıynaluı hӓm 31 meñeneñ isӓ utqa ırğıtıluı belderelde.
Töbӓktӓ 115 meñ Rohing’ya öyenӓ ut törtelde, 113 meñ öyneñ dӓ höcümnӓrdӓ zıyan kürüe citkerelde.
Xisapta Tolatuli awılında yӓşӓgӓn arakanlı Hasina Begumnıñ Myanma köçlӓreneñ awılına ut törtep, keşelӓrne üterüen, awıldan qaçarğa telӓwçelӓrne ber yılğa yarında atıp üterüen ӓytüe urın ala.
Begüm Myanma köçlӓreneñ kim digӓndӓ 5-60 keşene atıp üterüen, qayberlӓreneñ yılğağa sikerep, qotıluın citkerde.
Mӓyetlӓrneñ yandırıluın ӓytkӓn Begum 4 aylıq bӓbineñ ğaskӓrilӓr tarafınnan yandırıluın belderde.
Çik tanımawçı tabiblar oyışması uzğan yılnıñ 25 avgust – 24 sentӓbr’ könnӓrendӓ 9400 arakanlı möselmannıñ üterelüen açıqlağan ide.
