Çikagoda qanlı waqıyğalar

Amerika Quşma Ştatlarınıñ Çikago şähärendä soñğı 2 köndä qorallı höcümnärdä 9 keşe ülde, 60 keşe yaralandı. Şähärdä atna axırında AQŞnıñ iñ külämle muzıka festival’lärennän “Lollapalooza” ütte.  Çikağo poliśiyäse çara waqıtında bulğan qanlı waqıyğalar xaqında belderü yasadı. Qorallı höcümnär comğa kiçe häm yäkşämbe töne arasında bula. Ülüçelär arasında 17 yäş’lek qız bar, yaralanuçılar arasında isä 11 yäş’lek ir bala.

İñ küp höcüm şähärneñ kön’yaq häm könbatış öleşlärendä yäkşämbe könne bulğan. Anda 7 säğat’ êçendä 4 keşe üterelgän, 40 keşe yaralanğan.

Qorallı höcümnär säbäple Törkiyäneñ Çikağo konsullığı da sośial’ çeltärlärdän törek watandaşlarnı şähärneñ xätär rayonnarına kitmäskä çaqırdı.

Çikağoda yıl başınnan birle 314 keşe qorallı höcümdä hälaq bulğan, 1769 keşe yaralanğan. Şähär AQŞnıñ “cinayät’ başqalası” dip yörtelä. Uzğan yıl da anda 2 meñ 785 qorallı höcüm terkäşgän.