Çüldä yuğalgan mikroavtobus tabıldı

Afrika däwläte Malida çüldä yuğaluı farazlanğan avtobustağı 17 keşe üle kileş tabıldı. Cirle xäbärlärgä qarağanda, mikroavrobus 21nçe iyün’dä Aljirdan çıqqan. Ul 2 köndä Timbuktuğa kitärgä tiyeş bulğan. Ämma 4se bala, 6sı xatın-qız tuplam 17 keşe utırğan mikroavtobustan könnärçä xäbär alınmıy. Şunnan soñ, Aljirda qalğan tuğan-tumaçaları êzläw êşlärenä kereşä. Avtobusnı Timbuktudan 130 kilometr yıraqlıqta tabıp alalar. Êçendäge barlıq yulçılar häm yörtüçe ülgän. Şofyernıñ qom buranı waqıtında yuldan yazuı farazlana.