İranda su krizisı

İrannıñ Huzistan töbägendäge Xürrämşähärdä distälägän keşe krannardan aqqan sunıñ tozlı buluına häm yış qına su kilmäwenä rizasızlıq belderde. Qalanıñ Böyek mäçete qarşında tuplanğan törkem üzläre belän su şeşäläre dä kitergän. Alar “Buldıqsız idaräçelärne telämibez”, “Qaraqlar din belän aldap bezne taladı” dip şiğar’lär qıçqırdı. Suütkärgeçlärdän kilgän sunıñ tozlı buluı säbäple, şähär xalqı êçär öçen tankerlardan su satıp ala.

Huzistan töbägendäge Abadan şähärendä dä uzğan atnada oxşaş çara ütkän ide.

İranda yawım-töşemneñ az buluı häm su çığanaqlarınıñ kimüe näticäsendä kilep çıqqan qorılıq ildä su krizisına kiterde.