Qaçaqlar utırğan köymä battı
Somali yarımutrawındağı Êfiopiya, Djibuti, Somali häm Êritreyadan yaqınça 100 keşe utırğan köymä bilgesez säbäplär arqasında qazağa oçradı
Yämän sulıqlarında Afrikalı migrantlarnı taşuçı köymä battı. Näticädä, berençel mäğ’lümätlär buyınça, 40 keşe ülde.
Xalıqara migraśiya oyışması beldergänçä, Somali yarımutrawındağı Êfiopiya, Djibuti, Somali häm Êritreyadan yaqınça 100 keşe utırğan köymä bilgesez säbäplär arqasında qazağa oçradı. 40 keşeneñ batıp ülüe häm 16 keşeneñ yuğaluın xäbär itälär. Ülüçelärneñ sanının artırğa mömkin buluın belderälär. Qotqarılğan 39 keşegä su häm rizıq birüdän tış, tabib häm psixolog yärdäme kürsätelğän.
Afrikalı migrantlar Soğud Ğaräbstanı häm şul tirädäge başqa illärgä kiçü xıyalı belän Yämängä taba yulğa çıqqan. 2014nçe yıldan birle qaçaqlar bu yulnı qullana. Ämma kübese, telägän cirlärenä barıp citä almıyça, säyäsi totrıqsızlıq xökem sörüçe Yämändä qala.