Soyuz MS-09 kapsulası ğalämgä oçtı
Kosmonavt Sergey Prokop’yev, NASA asrtonavtı Serena Aun’on häm Awrupa ğaläm agentlığı astronavtı Aleksandr Gerst utırğan kosmik korab cirle waqıt belän säğat’ 17 tulıp 12 minutta kükkä oçtı
987413
Soyuz MS-09 kapsulası Qazaqstannıñ Baykonur stanśiyasennän ğalämgä oçırtıldı. Roskosmostan belderülärençä, êçendä kosmonavt Sergey Prokop’yev, NASA asrtonavtı Serena Aun’on häm Awrupa ğaläm agentlığı astronavtı Aleksandr Gerst utırğan kosmik korab cirle waqıt belän säğat’ 17 tulıp 12 minutta kükkä oçtı. Kapsulanıñ stanśiyägä 2 könnän barıp citüe planlaştırıla. Törkem ğalämdä 187 kön buyı fänni tikşerenülär belän mäşğul’ bulaçaq. Xalıqara stanśiya Rusiyä, AQŞ, Yaponiya, Awrupa häm Kanada ğaläm oyışmaları tarafınnan modül’lärneñ berläşterelüe näticäsendä tözelde.
