Tayvan’da yuğalğan oçuçı tabıldı
F-16 oçqıçı aviaśiya bazasınnan kütärelep 34 minut ütkännän soñ radarlardan yuğalğan ide
986519
Tayvan’da kiçä yuğalğan oçuçı tabıldı. F-16 oçqıçı aviaśiya bazasınnan kütärelep 34 minut ütkännän soñ radarlardan yuğalğan ide. Bügen oçuçınıñ cansız gäwdäsen tabıp aldılar.
Cirle xäbär agentlığı beldergänçä, oçqıç xärbi öyränülär waqıtında yuqqa çıqqan . Anıñ êçendä barı tik oçuçı bulğan. Qotqaruçılar anıñ gäwdäsen häm oçqıçnıñ qaldıqların bazadan 165 kilometr yıraqlıqta tawlı cirlektä kürep alğan. Qazanıñ säbäpläre xaqında älegä bernärsä dä äytelmäde. Oçqıçnıñ qara tartması hälakät urınınnan 120 metr yıraqlıqta bulğan.
