Awrupa mäxkämäseneñ suğış cinayät’läre qararı

Awrupa berlegenä kerüçe däwlätlär  suğış cinayät’lärendä ğayeplänüçelärgä üz ilendä yäşärgä röxsät birüdän avtomat räweştä baş tarta almayaçaq. Alar başta cinayät’neñ töre häm citdiligen, niçä yıl êlek êşlänüen, şäxesneñ soñğı waqıtta üz-üzen totışın, ğamällären tikşerergä tiyeş. Awrupa ğadellek mäxkämäse şundıy qarar çığardı. Anda äytelgänçä, här oçraq ayırım qaralırğa häm bäyälänergä tiyeş. Şäxesneñ cämğıyät’ öçen qurqınıç tudıruı häm Awrupa Berlegeneñ asıl qıymmätlärenä qarşı kilüe açıqlansa,  ilgä kerü häm anda yäşäw tıyıla ala.

 Bu qarar ike keşeneñ mäxkämägä möräcäğat’ itüennän soñ çığarıldı. Berse – Xorvatiya häm Bosniya-Gerśegovina watandaşı. Ul Bosniya suğışı waqıtında cinayat’ eşläwdä şöbhäle. Şunıñ öçen Niderland däwläte anıñ ilga kerüenä röxsät birmägän häm sıyınu xoquqın tanımağan. İkençese – Äfğanstanlı. Ul  Bel’giyädä yäşäw öçen röxsät sorağan. Ämma suğış cinayäte häm keşelekkä qarşı ğamälläre säbäple uñay cawap almağan.