Täwge tawış birü Märsindä uzdı

Rusiya Federaśiyäsendä 18 nçe martta uzaçaq däwlät başlığı saylawı qısasında Törkiyädä tawış birü öçen berence saylaw bülekçäläre buldırıldı häm täwge tawış birü Märsindä uzdı.

Bu xaqta Rusiya Federaśiyäseneñ Änkaradağı tulı wäqalätle ilçelege belderde.

Tawış birü 3 nçe martta irtänge 9 säğät’tä başlanıp kiçke 19 säğät’kä qadär däwam itte.

Tawış birüçelär Törkiyäneñ berence atom-töş köç stanśiyäse tözeleşendä êşläwçe Rusiya watandaşları ,Märsin häm Adanada daimi räweştä yäşäwçe Rusiya watandaşları ide.

Saylaw Rusiya Federaśiyäse qanunnarına turı kiterep ütkärelde.

İke atna däwamında Törkiyäneñ törle urınnarında saylaw bülekçäläre êşläyäçäk.

Kocaelineñ Darica ilçäsendä 9 nçı martta 17.00-21.00 säğät’lär arasında, Antaliyanıñ Alaniya ilçäsendä 10 nçı martta 10.00-18.00 säğät’lär arasında,Antaliyanıñ Kämär ilçäsendä 10 nçı martta 10.00-16.00 säğät’lär arasında,Bursada 10-11 nçe mart könnärendä 08-18.00 säğät’lärdä, İskeşähärdä 12 nçe martta 09.00-19.00 säğät’lär arasnda häm İzmirdä 14-15 nçe mart könnärendä 09.00-19.00 säğät’lärdä Rusiya watandaşları tawış birä ala.  

Törkiyädä yäşäwçe häm waqıtlıça Törkiyädä qaluçı Rusiya Federaśiyäse watandaşları 18 nçe martta irtänge 8 dän 20.00 säğät’kä qadär Rusiya Federaśiyäseneñ Änkaradağı tulı wäqalätle ilçelegendä , Antaliya, İstanbul häm Trabzondağı konsullıqlarda tawış birü mömkinlegenä iyä.

Rusiya Federaśiyäse sawlaw komissiyäse mäğ’lümatlarına kürä ,däwlät başlığı saylawı öçen Rusiyädän çittä 145 ildä 385 tawış birü bülekçäse êşläyäçäk.