Germaniyada dizel' maşinaları tıyılaçaq

Germaniyanıñ Leypśig şähärendäge Federal’ administrativ mäxkämäse hawa ayıruça pıçraq bulğan şähärlärdä dizel’ yağulıqlı maşinalar qullanu tıyılaçağın belderde. Berniçä şähär xakimiyäte bu qararğa qarşı çığıp sudqa möräcäğat’ itkän. Ämma bu tıyu üzgäreşsez qala. Töbäklär älege qararnı êtaplap tormışqa aşıru yaqlı. Çönki dizel maşinalardan baş tartu matdi yuğaltularğa kiteräçäk. Şulay uq, qararnıñ xoquqıy yağı êşlänep betmägän buluına basım yasala.

 Tirä-yaq möxitne saqlaw federal’ agentlığı şähärlärdäge hawa pıçraqlılığınıñ 60%ın dizel maşinalarğa bäyli.

Germaniya xökümäte qayber trassalarda da dizel maşinası qullanunı tıyarğa cıyına.