Haleb Äsäd köçläre kontrolendä

Süriyäneñ Haleb şähäre Äsäd köçläre kontrolenä küçkän.

Süriyä Keşe xoquqların küzätüxanä oppoziśiyaneñ kontrollärendäge 6 bistädän dä çigelüen citkergän.

Bu täraqqıyättän soñ Berläşkän Millätlär Oyışmasınnan açıqlaw yasalğan.

BMOnıñ Süriyä maxsus wäkile Staffan de Misturanıñ maxsus kinäşçese Jan Egeland Süriyä rejimı häm Rusiyäne Halebta suğışçılar başqarğan barlıq cinayätlärdän cawaplı totqan.

Üzäge Londonda urnaşqan Süriyä keşe xoquqların küzätüxanäse dä soñğı ber ayda Halebneñ oppoziśiya kontrolendäge töbäklärenä qarata höcümnärdä 47ese bala-çağa bulğan barlığı 415tän artıq ğayepsez keşeneñ ülüen açıqlağan.

Yözlärçä keşeneñ dä Rusiyäneñ häm rejimnıñ hawadan höcümnärendä yaralanuına iğtibar cälep itelgän.

Bäşar Äsäd rejimı häm İran citäkçelegendäge şiğıy suğışçılar qulğa töşergän bistälärdä tınıç xalıqqa qarata küpläp üterülärgä kereşkän.

Küpläp üterü küzätelgän töbäktäge çığanaqlardan alınğan mäğlümatqa kürä şiğıy suğuşçıları Halebneñ könçığış töbäklärendä kontrolne qulğa töşergän Firdäwes häm Kellese bistälärendä şaqtıy ğayepsez keşene ütergän.

Ber şahit şiğıy suğışçılarınıñ 4 xatın-qız belän 9 balanı yandıruın, 67 ir-atnı atıp üterüen äytkän.

BMO ğomüm särqätip süzçese Stefan Dujarrik yasağan yazulı açıqlawda ğomüm särqätip Ban Ki-Munnıñ Haşebtä bala-çağa häm xatın-qızlar da bulğan şaqtıy keşeneñ üterelüe xäbärläre arqasında sörän saluın beldergän.