"Töreklär belän êşlibez"

Rusiyä Federaśiyase tışqı êşlär ministrı Sergey Lavrov Süriyäneñ Haleb şähäreneñ könçığışında Bäşar Äsäd rejimı köçläre tarafınnan alıp barıluçı xärbi operaśiyalärneñ qorallı törkemnär töbäktän kitkänçe däwam itäçägen äytkän.

Lavrov Germaniyaneñ Hamburg şähärendä uzğan Awrupa İminlek häm xezmättäşlek oyışmasınıñ 23nçe Ministrlar şurası cıyılışınnan soñ matbuğat oçraşuı oyıştırğan.

Lavrov mondağı çığışında Halebneñ könçığışında rejim köçläreneñ höcümnärne tuqtatıp toruı belän bäyle süzlären açıqlağan.

Rusiyä ministrı tübändägeçä citkergän: “Halebtä xärbi operaśiyalärneñ azağına yaqınlaşuın äytmädem. Tınıç xalıqnıñ şähärdän kitä aluı öçen waqıtlıça tuqtatıluın äyttem. Humanitar tuqtalışlardan soñ qorallı törkemnär Halebneñ könçığışınnan kitkänçegä xätle operaśiyalär däwam itäçäk.”

Bu mäs’äläne Amerika Quşma Ştatları däwlät särqätibe Djon Kerri belän üzara häm telefonnan söyläşüen açıqlağan Lavrov şimbä könne Şveyśariyaneñ Jeneva şähärendä amerikan häm rus belgeçläreneñ Halebne söyläşer öçen cıyılaçağın qabatlağan.

Lavrov: “Ägär dä Amerikan tarafı soñğı mizgeldä ayırmalı totış kürsätmäsä, bu problemanıñ iskärmäsez barlıq qorallı törkemnärneñ Halebneñ könçığışınnan kitüe belän çişelüe öçen kileşü şansıbız bar,” – digän.

Tışqı êşlär ministrı Halebtağı wazğiyätne tağın da küp yuğaltu bulmayaçaq räweştä çizärgä äzer buluların belderep, monıñ öçen Vaşington belän qorallı törkemnärne Halebneñ könçığışınnan çigelergä ügetläwläre öçen küreşep söyläşülären äytkän.

Läkin amerikannarnıñ monı älegä başqarmawın beldergän ministr: “Bu törkemnärgä täêsir itä aluçı başqa töbäk illäre belän küreşep söyläşäbez. Töreklär belän êşlibez. Qayber urtaq añlayışlar taba başladıq. Bu xezmättäşlek kanalı amerikannarnıqınnan tağın da täêsirle bula ala,” – digän.