Sarkozi qabat namzät

Franśiyanıñ êlekke ilbaşı Nikola Sarkozi 2017 nçe yılğı ilbaşı saylawında qabat namzät buluın beldergän.

Sarkozi twitter aşa yasağan belderüendä “2017 nçe yılğı ilbaşı saylawında namzät bulu qararına kildem. Üzemdä tarixıbıznıñ problemalı däwerendäge bu köräşne citäkläw köçen xis itäm”digän.

2007-2012 nçe yıllarda ilbaşı bulğan Sarkozinıñ räsmi namzät buluı öçen 20-27 noyabr’ könnärendä uzaçaq al saylawda ciñüe kiräk.

Sarkozinıñ al saylawdağı iñ zur köndäşe isä êlekke premyer-ministrlardan Alen Juppe bulaçaq kebek kürenä.  

Franśiyada ike turda ütkärelüçe ilbaşı saylawı 23 nçe aprel’-7 nçe mayda uzaçaq.