Дөнья мaтбугaтынa күзәтү - Dön’ya matbuğatına küzätü 26.07.2021

Le Figaro: Parij häm London La-Manş (İngliz) diñgeze transportı ölkäsendä terrorçılıq belän köräş xezmättäşlegen köçäytä.

Le Monde: Franśiyada Kovid-19: Polineziyada oçraşular ütkärgän Franśiya İlbaşı Êmmanuêl Makron vakśinanı kire qağuçılarnı “cawapsızlıqta” häm "êgoizmda" gäyepläde.

Le Soir: Bel’giya: Waqıtlı êşsezlek êş xaqı, kompensaśiya bäxäsläre. Su basudan zıyan kürüçelär nindi yärdäm ala ala?

Deutsche Welle: Törkiyädä kizüdän soñ tormışqa aşırılğan lyuks proyektlar çit il keşeläreneñ toraq soraw-taläben arttırdı. Bıyıl 50 meñ toraq satışı belän rekord quyıluı kötelä.

az.net: Köz köne dürtençe korona dulqının kötüce Germaniyada vakśinaśiyälänmägännärneñ iregen çikläw fikere bäxäs tudırdı.

Tagesschau.de: Awrupada korona protestları qabat arta bara.

Älquds Älarabi: (Tunista İlbaşı Kays Saidneñ Parlamentnıñ böten wäqalätlären tuqtatıp torıp, xalıq ışanıçlılarınıñ qağılmaslığın tuñdırıp, xäzerge Baş ministr Hişam äl-Mäşişine wazıyfadan alıp, üze bilgeläyäçäk Baş ministr belän başqarma xakimiyäten üz östenä alacağın beldergännän soñ) Berläşkän Millätlär Oyışması Tunis räsmiläre belän êlemtädä buluın citkerde. Awrupa Berlege dä töp qanunnı “xörmät itärgä” çaqırdı.

Aljazeera: Amerika Quşma Ştatları İlbaşı Djo Bayden häm Ğıyraq Baş ministrı Mostafa äl-Kazımi AQŞ köçläreneñ Ğıyraqtağı xärbi missiyasınıñ yıl axırına qadär tögällänäçägen rasladı.

Äldustour: Yordaniya: Tunistağı täräqqiyätlärne küzätep torabız.

Älraya: Qatar qardäş Tunisnıñ totrıqlılıqnı saqlawın kötüen belderde.

REN.TV: Rusiyä tışqı êşlär ministrlığı süzçese Maria Zaxarova Amerika Quşma Ştatların Ğıyraqtağı, Liviyadağı häm Süriyädäge êzlären çistartırğa çaqırdı.

RİA Novosti: Rusiyä Baş ministrı Mixail Mişustin Kuril utrawlarında irekle tamğaxanä töbäge rejimın ğamälgä kertü plannarın citkerde. 

“İzvestiya” gazetı: Rusiyä sportçısı Yevgeni Rılov Yaponiya başqalası Tokioda oyıştırılğan Olimpiada uyınnarında 100 metr arqada yözüdä altın medal’ yawladı häm Awrupa rekordın quydı. 

El País, İspaniya: İspaniyada bişençe dulqın koronavirus arqasında ülüçelärneñ sanı ike atnada öç märtäbä arttı.

“EFE” agentlığı, İspaniya: İspaniyadağı koronavirus oçraqlarınıñ 68% Del’ta variantı.

El Comercio, Peru: Kolumbiya İlbaşı Ivan Duque Amerika Quşma Ştatlarınnan Venesuêlanı terrorçılıqnı täşviq itüçe, qızıqsındıruçı il bularaq iğ’lan itüen teläde.

Tatarstannıñ “Tatar-inform” agentlığı tatar jurnalistikasınıñ veteranı Älmirä Ädiyatullinanıñ wafat buluın xäbär itä. Agentlıq beldergänçä, 83 yäşendä wafat bulğan tatar jurnalistikası legendası belän xuşlaşu waqıtı soñraq bilgele bulaçaq.