Dön’ya matbuğatına küzätü 26.07.2021

Al Jazeera kanalı citkergänçä, Tunis ilbaşı Kays Said xökümätneñ wazıyfasın aldı häm parlamentnıñ êşçänlegen tuqtattı. Ul başqarma xakimiyätne üz qulına aluın belderde.

Ğaräp basmalarınnan “Al-Quds Al-Arabi” Derada êtaplı kileşü tözelüe xaqında yaza. Êmbargonı beterügä cawap itep qorallar çigenäçäk, xärbi häm iminlek bülekläre tözeläçäk.

Yordaniyäneñ “Al-Dustour” basması Franśiyä ilbaşı Êmmanuêl’ Makronnıñ Tel’-Avivtan “Pegasus” şımçılıq programması turında açıqlıq kertülären sorawın citkerä.

Nemeś telendäge “Deutsche Welle” basması Germaniyä xökümät dairäse räise Xel’ga Braunnıñ koronavirus yoqtıru oçraqlarınıñ arta aluı xaqında kisätüen xäbär itä.

Şul uq ilneñ Spiegel.de säxifäse Germaniyädä tabiğıy afätlärneñ artuı häm ğadäti xälgä äwerelä başlawı turında yaza.

Perunıñ “El Comercio” matbuğat çarası İspaniyä patşası Filipp 6nçınıñ däwlät başlığı itep saylanğan Pedro Kastillonıñ inauguraśiysendä qatnaşu öçen irtägä Peruğa kitäçägen citkerä.

Franśuz telendäge “Le Figaro” gazetı Franśiyä xalqınıñ yaqınça 60%ınıñ kimendä 1 doza vakśina yasatuın xäbär itä.

Şul uq ilneñ “Le Monde” gazetı yazğança, Kovid-19 vakśinası kartası programmasına qarşı çığışlar arta. Franśiyä buyınça 161 meñ keşe demonstraśiyädä qatnaştı.

Rusiyäneñ TASS agentlığı xäbärenä qarağanda, Yaponiyä Rusiyä xökümäte räise Mixail Mişustinnıñ Yaponiyäneñ tön’yağındağı İturup utrawına säfäre nisbätennän protest belderäçäk.

RİA Novosti mäğ’lümat agentlığı yazğança, Rusiyä ir-atlar voleybol komandası Tokio Olimpiya uyınnarında AQŞnı 3kä 1 ciñde.

“Rossiyskaya gazeta” Rusiyäneñ benzin oçsızlığı buyınça Awrupada ikençe buluın citkerä.

 Tatarstannıñ “Tatar-inform” mäğ’lümat agentlığı yazğança, Qazan badmintonçısı Yevgeniya Koseśkaya Tokio Olimpiadasın ciñüdän başladı.