Dön’ya matbuğatına küzätü 24.06.2021

Qayber çit il basmalarına küzätü

1663834
Dön’ya matbuğatına küzätü 24.06.2021

Meksikada çığuçı “La Jornada” gazetı yazğança dön’ya AQŞqa qarşı tawış birde. Berläşkän Millätlär Oyışmasınıñ 183 äğzase AQŞnıñ Kubağa qarata qullanğan êmbargonıñ beterelüe öçen uñay tawış birde. 

Çilineñ “La Tercera” basması beldergänçä belgeçlär Hindıstanda çıqqan mutant virusnıñ tağın da qurqınıç häm yoğışlı tören taptı.

Alman telendäge t-online.de xäbär säxifäse citkergänçä Germaniyaneñ xalıq sanında 9 yıldan soñ berençe tapqır kimü küzätelde. Kimügä ülüçelärneñ artuı häm migraŝiyaneñ azayuı kiterde.

Şul uq teldäge tagesschau.de internet säxifäse yazğança Soğud Ğaräbstanınıñ İstanbuldağı baş konsullığında üterelgän oppoziŝiyaçel’ jurnalist Cemal Kaşıkçını üterüçelärdän dürteseneñ monnan alda AQŞta xärbi belem aluı äytelde.

“Elraya” gazetı Qatarnıñ Aziyada Işanıç arttıruçı komitetı cıyılışında qatnaşuın yaza.

“Elquds Elarabi” basması BMO ğomüm särqätibe Antonio Guterreşneñ süzlären uquçıları belän urtaqlaşa: “Çik ar’yağınnan Süriyägä yärdäm kürsätä almaw qotoçqıç bulır.”

“Le Parisien” gazetı yazğança Franŝiyada Kovid-19 arqasında birelgän däwlät yärdämnäre beterelde, irekle êşläwçelär borçıla başladı.

“Le Figaro” basması beldergänçä Franŝiya prem’yer-ministrı häm sälamätlek saqlaw ministrı koronavirus arqasında wazğıyät’ naçarayğan Landes töbägenä säfär yasıylar.

“İzvestiya” gazetı citkergänçä Rusiyäneñ Tışqı êşlär ministrlığı Qara diñgezdä çikne bozğanı öçen kisätü utı açılğan cimerüçe köymä mäs’äläsendä Angliyane ğayepläde.

Lenta.ru xäbär säxifäse yazğança Bötendön’ya sälamätlek saqlaw oyışması berençe tapqır balalarnıñ koronaviruska qarşı vakŝina yasata alaçağın qabul itte.

TASS agentlığı xäbärenä kürä Rusiyädä iñ küp koronavirus oçraqları kürelgän Mäskäwdä mäcbüri vakŝinalaştıru programmasına kur’yerlar da alındı.

“Tatar-inform” mäğlümat agentlığı beldergänçä tanılğan törek rässamı Tatarstan däwlät başlığına Tuqay portretı büläk itte.



Bäyläneşle xäbärlär