Dön’ya matbuğatına küzätü 11.06.2021

Franŝiyada çığuçı “Le Figaro” gazetı yazğança Franŝiya ilbaşı Makron NATO oçraşuınnan alda Törkiyä ilbaşı Räcäp Tayyip Ärdoğan belän küreşep söyläşäçägen citkerde.

Şul uq ildä dön’ya kürüçe “Le Monde” basması xäbärenä kürä Êmmanuêl’ Makronnıñ yañağına suqqan keşe 18 ayğa törmägä utırtıldı.

Deutsche Welle media oyışması beldergänçä Germaniya - ul’tra baylar isemlegendä dön’yada öçençe urında.

Alman telendäge Welt.de xäbär säxifäse citkergänçä Germaniya Kanŝlerı Angela Merkel’ azayğan koronavirus awıruı oçraqlarına qaramastan Angliyadan ilgä kergäm yaña variantları arqasında borçu toya.

Tagesschau.de internet säxifäse yazğança Germaniyada Didjital’ Kovid sertifikatı 14 iyun’ könne ğamälgä keräçäk.  

Venesuêlanıñ “El Nacional” gazetı xäbär itkänçä Moderna 12-18 yäş’tägelärne vakŝinalaştıru öçen Amerika Quşma Ştatlarınnan aşığıç qullanu röxsäte sorıy.

“Eldustour” basması beldergänçä Yordaniya İzrail poliŝiyaseneñ yawlaw astındağı Qudüs-Yerusalimdağı Şam qapqası aldında fälästinlelärgä höcümnären ğayepläde.

“Aljazeera” televideniyese citkergänçä Baxreynda cıyılğan yözlärçä keşe törmädä Kovid-19 yoqtırğan opoziŝiyaçel’ aktivist Xösäyen Berekatnıñ däwalanğan xastaxanädä yaqtı dön’yadan kitüen protest itte.

Russia Today televideniyese xäbär itkänçä AQŞ Däwlät Departamentı kiñäşmälär öçen Vaşingtonğa çaqırılğan Rusiyä ilçese Djon Sallivannıñ ozaqlamıy wazıyfasına qaytuın ömet itülären citkerde.

Rus telendäge Lenta.ru xäbär säxifäse yazğança Germaniya Kanŝlerı Angela Merkel’ iyul’ yäisä avgustta Tön’yaq Ağım-2 belän bäyle bäxäslär arqasında AQŞqa baraçaq.

“Tatar-inform” mäğlümat agentlığı beldergänçä Tatarstanda tağın 30 keşe koronavirus yoqtırğan. Respublikada Kovid-19dan 19 meñnän artıq keşe terelgän.