Дөнья мaтбугaтынa күзәтү - Dön’ya matbuğatına küzätü 07.05.2021
Кaйбeр чит ил бaсмaлaрынa күзәтү / Qayber çit il basmalarına küzätü
Deutsche Welle: Törkiyä Tışqı êşlär ministrı Mäwlüt Çavuşoğlu êşlekle säfär qısalarında (Germaniya başqalası) Berlinda tışqı êşlär ministrı Heiko Maas belän oçraştı.
tagesschau.de: Germaniyada vakśinaśiyälängännär häm “Kovid-19” belän awırıp alğannar töp xoquqlarğa qağılışlı çikläwlärdän azat itüçe tärtipkä salu Federal’ parlamenttan uzdı.
sueddeutsche.de: Germaniya xökümäte AQŞnıñ vakśina patentı xoquqlarınıñ ğamäldän çığarıluı täq’dimen kire qaqtı.
Le Monde: Kovid-19: Franśiya İlbaşı Êmmanuêl Makron 12nçe maydan başlap dozalar bulğan oçraqta "yäş’ çigenä qaramıyça" vakśinaśiyäläwneñ härkemgä açıq bulacağın belderde.
Le Figaro: Lion şähäre yanında kilep çıqqan yanğında 11 keşe ciñelçä yaralandı.
France 24: Franśiya häm berniçä Awrupa ile İzraildän yaw astındağı Fälästin cirlärendä yaña bistä saluın tuqtatuın teli.
El Mundo (İspaniya): İspaniyada üzidaräle citäkçeleklär küpmeder waqıt kötterelgän “AstraZeneka” vakśinalarınıñ monnan arı 60 yäş’tän yäş’räk buluçılarğa yasaluın teli.
El Pais (İspaniya): İspaniya Äfğanstanda qalğan soñğı xärbilären dä 13nçe mayğa qädär kire qaytaraçaq.
El Nacional (Venesuêla): Braziliyada Rio de Janeyroda “Kovid-19”nıñ tağın yaña ber mutaśiyası xasil buldı. Belgeçlär Kön’yaq Amerikanıñ xastalıqnıñ iñ çıdam mutaśiyäläreneñ bişegenä äylänüennän borçıla.
Elraya: Qatar Rusiyä Federaśiyäse belän iq’tisadi êlemtälärne kiñäytä.
Eldustour: Rusiyädän koronavirusqa qarşı ber doza belän yasalğan yaña vakśina.
Aljazeera: Vena söyläşüläreneñ dürtençe turı. İran: Soñğı atom kileşüeneñ imzalanuı öçen nindi dä bulsa ber waqıt teleme yuq.
Elquds Elarabi: Yähüd bistäçeläre Qudüs-Yerusalimneñ Şäyex Jarrah bistäsendä qoralsız fälästinnärgä ut açtı häm iftar tabınnarına höcüm itte.
“TASS” agentlığı: AQŞ däwlät särkätibe Antoni Blinken (Ukraina başqalası) Kievqa yasağan säfäreneñ näticäle uzuın, AQŞnıñ Ukrainadağı reforma barışın yaqlawda qatğıy buluın äytte.
“RBK” xäbär saytı: (Ukrainadan ber yaqlı bularaq bäysezlegen iğlan itkän) Lugansk xalıq cömhüriyäte töbäktä BMO tınıçlıq köçenä kiräk bulmawın belderde.
“Lenta.ru” xäbär säxifäse: Rusiyä häm Qıtay arasında säwdä küläme, yılnıñ berençe 4 ayında 19,4%qa artıp, 40 milliard dollarnı uzdı.
Tatarstannıñ “Tatar-inform” agentlığı bügen Tatarstanda tufraqqa qıraw töşüe ixtimal, monnan tış, köndez köçle cil farazlana, dip xäbär itä. Agentlıq beldergänçä, Tatarstanda yäkşämbe atna axırında iñ cılı kön bulaçaq.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü
