Dön’ya matbuğatına küzätü 03.05.2021

Alman telendäge Spiegel.de xäbär säxifäse yazğança Braziliya däwlät başlığı Bol’sonaronıñ yaqınça 400 meñ braziliyaleneñ koronavirustan ülemendäge cawaplılığın tikşerü öçen komissiya qorıla.

Qatarda çığuçı “El-Raya El-Katariye” basması beldergänçä Angliyada 2022 yılda “Kizülär belän oçraşu” oçraşuı uzaçaq.  

Livanda dön’ya kürüçe “El-Mustakbal” gazetı xäbärenä kürä qoyaş buranı tizlek belän dön’yağa taba yaqınlaşa, iyärçennär täêsirlänä ala.  

Omannıñ “El-Vatan” basması citkergänçä İran Amerika Quşma Ştatları tarafınnan neft’ häm bankaçılıq sistemasına kertelgän êmbargonı beteräçägen uylıy.

İspaniyada basıluçı “El Mundo” gazetı yazğança 4nçe maydağı Madrid Cirle Parlament saylawlarınnan alda Xalıqçı partiyada ömet bar: “İzabel’ Diaz Ayuso barısın da uzaçaq.”

Meksikada çığuçı “El Universal” basması xäbärenä kürä Meksikada ber keşedä Kovid-19nıñ Hindıstan variantı kürelde.

Franŝiyaneñ “Le Figaro” gazetı beldergänçä ildä izolyaŝiya waqıtında öydän 10 çaqrım yıraqlıqqa baru röxsät itelä ide. 3 maydan başlap êtaplı bularaq izolyaŝiyadan çığu başlana. .

Russia Today citkergänçä “The National Interest” gazetına kürä AQŞ ilbaşı Djo Baydennıñ Rusiyä xaqında äytkän süzläre arqasında Rusiyä häm Qıtay partnyer bula ala häm bu wazğıyät’ AQŞ öçen fäläkät bulır.

Regnum agentlığı xäbär itkänçä Ukrainanıñ könçığışında ber yaqlı bäysezlek iğlan itkän Doneŝk Xalıq Cömhüriyäte başlığı Denis Puşilin Ukraina däwlät başlığı Zelenskiy belän küreşergä äzer buluın belderde.

Rus telendäge Lenta.ru xäbär säxifäse yazğança Qırğızstan häm Taciksan çik buyındağı ğaskärilären kire çigenderde. 29 aprel’ könne başlanğan bäreleştä Qırğızstan tarafınnan 34 keşe şähit buldı.

“Tatar-inform” mäğlümat agentlığı beldergänçä Tatarstanda tağın 2 keşe koronavirustan ülgän.